KALIBO, Aklan—Suportado ni provincial board member Nemesio Neron ro firecracker ban nga ginasueong it Department of the Interior and Local Government (DILG).
Suno kay Neron, chairman it Committee on Peace and Order and Public Safety nga welcome development para kana ro pagbawae it mga paeupok sa karsada.
Sa nasambit nga pamaagi hay mapabilin ro disiplina ag masiguro nga indi magatuga it polusyon ukon maghigku ro palibot sa adlaw it Paskwa ag Bag-ong Dag-on.
Dugang pa nga owa it sin-o man ro maninahan ukon mamatay kamana man ro pagtuhaw it sunog bangud sa firecracker related incidents.
Dugang pa kara nga maabu man nga mga pamaagi nga makaselebrar it paskwa ag bag-ong dag-on nga indi kinahangean maggamit it paeupok.
Bangud kara, plano ni Neron nga magdihon it ordinansa sa pagbawae it mga paeupok sa uman nga pagbalik it session sa enero 2024 kun sa siin positibo imaw nga pagapaburan raya it majority it provincial board members.
Sa kamatuoran suno kana nga may pilang local government units eon sa probinsiya it aklan ro nakahimo it ordinansa angot sa pagbawae sa paggamit it paeupok sa karsada ag nagtukod it common area para sa fireworks display.
Madumduman nga gusto ni DILG Secretary Benhur Abalos nga ipabawae eon ro mga paeupok sa mga komunidad sa bilog nga nasyon ag makaangkon eon lang it fireworks display ro mga LGUs.