Gin-aprubahan eon it Board of Investments ro haeos P500 billion pesos nga balor it mga capital sa unang quarter it 2023.
Suno kay Trade Secretary Alfredo Pascual, sa tamang daean ro ahensya nga maabot ro target kara para sa dag-on.
Ginpahayag ni Pascual nga ro 1st quarter figure hay mas mataas it 155% kumpara sa parehong tiempo ko 2022.
Ginasugid nga ro mga pag-apruba it foreign investment it Board of Investment hay nagdasig man sa P165.4 billion pesos sa parehong tiempo nga gin markahan it maeapit sa 4,000 % nga pagtaas.
Bangud kara, ginpahayag it Trade chief nga kumpiyansa imaw nga maabot it ahensiya ro P1.5 trillion pesos nga investment target kara para sa dag-on nga doble sa gin-aprubahang investments ko nagtaliwan nga dag-on.
Ro inisyal nga investment target para sa dag-on hay P1 trillion pesos, apang bangud sa optimism, ginpataasan raya it DTI sa P1.5 trilyon pesos ko Pebrero sa pihak it global headwind kapareho it global economic slowdown ag mataas nga inflation.
