Dismayado ro maabung senador sa Bureau of Customs (BOC).
Raya hay bangud nga medyu indi mapugngan ag ag owa pa it may napasabat nga mga smuggler, partikular it mga agricultural products.
May mga nakumpiska man, apang suno sa pilang mga senador, owa man hapasabat sa laye eabi eon ro mga natumod nga smuggler.
Owa pa it may nakitang nasampolan rason nga mabaskog sa gihapon ro buot it mga eakot nga pauman uman sa andang gina obra nga ilegal nga hilimuon.
Mas nataw-an pa it atensyon ro napueo nga airline crew nga nadakpan it tig-sambilog hasta daywang kilo it sibuyas nga halin sa Saudi Arbia, Riyadh ag Dubai nga pasalubong kunta sa andang pamilya.
Samtang padayon nga nakakaeusot ro mga bigtime smugglers nga nakakapaeusot it ginatos milyones nga mga produkto.
Maabu eon ro mga pangaean nga ginasugid nga bigtime smuggler nga namitlang sa mga ginpatigayon nga hearing sa Senado apang hasta sa makaron hay owa pa it nakikitang mga pag-aksyon sa parte it Customs.
