Ginbulgar it Commission on Audit (COA) ro mga red flag sa Bureau of Customs (BOC) sa pagpaguwa it mga kargamento nga may ginatantyang duties and taxes nga P3.5 billion nga dapat kunta hay igapaidaeom sa 100% physical inspection.
Sa 2022 annual audit report sa BOC, ginpahayag it mga state auditor nga 2,416 nga consumption entries nga na-tag bilang “green, yellow ukon orange” ro ginpagguwa nga owa nagapatigayun it mandatoryong 100% physical inspection.
Ro mga item nga una sa kategoryang “green” hay ginpagguwa nga owa it dugang nga inspeksyon, ro “yellow” hay nagakinahang-ean it pagpamatuod it mga ginakinahang-ean sa dokumentaryo ag ro “orange” hay kinahang-ean nga magpaidaeom sa pisikal nga inspeksyon kung ro imahe hay makadueoda sa x-ray scan.
Nasayuran sa audit report nga pabor ro pamunuan it BOC sa rekomendasyon it audit team nga i-review ro P3.558 billion entries ag ipaathag ro owa pagsunod sa fixed criteria it ahensya.
Natueopangdan man it audit team ro owa nagakadapat nga pag-tag sa 45,677 consumption entries nga may assessment nga mga duties and taxes nga P38.510 billion.
Dugang pa sa audit report ro napaiway nga pagpilak it mga forfeited goods and articles sa kabilugang P567.2 million.
