Narekober it Bureau of Customs (BOC) ro 18 misdeclared container it mga sibuyas nga nagabalor it P77million nga ginpadaea sa Manila International Container Port (MICP) nga gintago sa mga pizza dough.
Suno sa Bureau of Customs, personal nga gin-inspeksyon ro mga kargamento sa Manila International Container Port (MICP).
Ro nasambit nga inspeksyon hay ginpatigayon it Customs Intelligence and Investigation Service sandig sa “derogatory information” maghalin sa China.
Ginpahayag it nasambit nga taeatapan nga ro mga kargamento hay eabag sa mga lokal nga regulasyon nga nagamandu sa mga importer nga magboue it sanitary and phytosanitary important clearance (SPIC) maghalin sa Bureau of Plant Industry (BPI) para sa mga agricultural commodities.
Dugang pa kara, ro mga pizza dough nga ginamit para itago ro puea ag puting sibuyas hay bukon man it sakop it mandated license ag permit maghalin sa Food and Drug Administration (FDA).
Kung madumduman , gin-aprubahan it Department of Agriculture (DA) ko nagtaliwan nga Enero ro pag-import it 21,060 metric tons it sibuyas para sabton ro kakueangan sa suplay sa nasyon.
