Uman nga magapatigayon ro Bureau of Customs (BOC) it sangka public auction para sa 11 nga mga luxury vehicles sa April 28, 2026.
Raya hay matapos nga gindeklara it BOC ro “failed bidding” para sa pagpa-auction it nasambit nga mga saeakyan sa scheduled sale kara ko March 27.
Suno kay Atty. Jann Obillos, Head it BOC Auction Committee, nga nakabaehag sa Customs Administrative Order No. 03-2020 nga ro sangka auction hay dapat ideklara bilang failed bidding engkaso nga owa it nabaton nga bid.
Ro mga luxury vehicle nga igapa-auction hay ro Rolls-Royce Cullinan 2021, Bentley Continental 2021, Mercedes Benz S680 Maybach 2023, BMW X6 2023, Jeep Wrangler 2021, Lexus ES 2019, Ferrari SF90 Stradale (Mansory) 2024, Rolls Royce Phantom 2023, Mercedes Benz G650 V12 BI Turbo 2022, BMW XM 2024, ag Lexus LX570 2018.
