KALIBO, Aklan – – – Patay ro sangka 45 anyos nga pintor matapos mag eunip sa sangka bubon sa Brgy. Napaan, Malay.
Ro biktima hay gin kilaeang si Roy Flores ag residente it Pakilawa, Nabas.
Base sa report, ku nagtaliwan nga adlaw hay orit eon nanda sa andang trabaho apang, boluntaryong mag eunip sa bubon si Flores agud chekyaron ro naga baeabag nga bato nga naga sabeag sa andang pagbutang it deep well pump para sa refilling station.
Suno kay PO2 Ilig it Malay Police Station nga naga abot sa 22 feet ro kadaeomon it bubon ag may eapad nga 3 feet.
Nasayuran nga nagbutang it higot si Flores sa anang hawak ag nagpanaug.
Gin trato sigon kara ro anang kaibahan nga engkasong tapos eon imaw sa pagsaeom hay paga hueagon kara ro kaeat bilang senyales nga pwede eon imaw nga batakon.
Sa pag-testing sigon hay owa it response halin kay Flores rason nga gin desideran it anang kaibahan sa trabaho nga diver nga eunipon eon lang raya.
Makabig nga mabudlay sigon ro posisyon it biktima ag indi kara masarangan nga butongon paibabaw rason nga ro pangaywang diver ro nagdesider nga mabuligan raya ag natigayun nga mahaw-as pagkatapos it 30 minutos nga pagtinir kara sa idaeom it bubon.
Insigida man nga gin daea ro biktima sa sangka ospital apang, gin deklarang dead on arrival.
