NATIONAL News — Gindayaw it August Twenty-One Movement (ATOM) ro mga eskwelahan nga magasuspinde it klase sa Pebrero 25 agud nga dumdumon ro ika-39 nga anibersaryo it People Power Revolution, sa pihak it deklarasyon it Malacañang nga raya hay sangka special working holiday.
Gin-engganyo it grupo ro iba pang eskwelahan nga obrahon man raya ag ipilit ro andang obligasyon sa pagpakalhit it kamatuoran ag pagsukoe sa rebisyon it kasaysayan.
Suno sa ATOM, bukon eamang it selebrasyon ro anibersaryo it EDSA kundi padumdum man it importansiya it demokrasya ag kinamatarung it kada Pilipino sa hilway nga pagpahayag, pagboto, ag pagpasilabot sa pagdumaea.
Sa pihak kara, gin-insister nanda ro padayun nga pagsukoe sa mga hangkat kapareho it political dynasties, korapsyon ag pagbag-o sa kasaysayan.
Nagapanawagan ro ATOM sa mga Pilipino nga magbo-oe it inspirasyon halin sa kasaysayan, pasabton ro mga una sa gahum ag padayunon ro away para sa mas mayad nga Pilipinas, bangud nga indi dapat magpabilin nga mahipos ro pumueuyu.
