Balitang Espesyal ——–Kon kato hay bomba, droga ag mga ilegal nga kontrabando eamang ro gina-hugum ag ginadakop it bomb sniffing dogs sa sangka airport sa Chile, makaron hay pati COVID-19 virus hay masarangan nanda nga mahugum ag ma-detect!
Ginakilaea makaron bilang mga “bio detector”, ro sangka grupo it mga Golden Retrievers ag Labrador sa Comodoro Arturo Merino Benítez International Airport sa Santiago, Chile.
Gin-train it mga siyentipiko ro mga ayam agud nga makahugum it mga pasahero nga positibo sa nasambit nga virus.
Ro mga nagasueod nga pasahero sa nasambit nga paeuparan hay pagataw-an it gauze pads it mga airport health checkpoint officials ag kinahangean nanda raya nga ipahid sa andang leog ag pulso.
Pagkatapos hay igabutang raya sa sangka glass container agud nga ipahugum sa mga sniffer dogs nga ginakabig nga bio detector.// Kon magpungko ro mga sniffer dogs, nagakahueugan nga positibo ro pasahero sa virus.
Suno sa mga pag-tuon, may accuracy rate nga 85% hasta 100% ro mga sniffer dogs nga makahugum it mga indibidwal nga positibo sa COVID-19.
Apang antes pa man nga makaangkon it COVID-19 pandemic hay may ikasarang eon man ro mga raya nga makahugum kun may malaria, cancer ag Parkinson’s disease ro sangka tawo.
Mag-eowas sa Chile, gina-testingan eon man sa mga paeuparan it United Arab Emirates ag Finland ro paggamit it mga sniffer dogs para ma-detect ro pasaherong positibo sa makamaeatay nga virus.
