Kalibo Aklan ——–Naputos it kahadlok ro mga tawong nagabakae sa sangka tindahan sa China matapos nga makit-an ro sangka bomba sa sueod it sangka 3 feet nga pusit.
Ro nakadiskubre sa bomba hay sangka tindero it isda.
Ginasi-ad nana ro para sa sangka kustomer kat gulping nagguwa halin sa sueod ro sangka bomba nga may sukat nga 8 inches.
Nagkagulo ro mga tawo kat masayuran nga may bomba.
Napundo eamang ro pag-panic kat nag abot ro bomb disposal expert ag pinasabog sa sangka lugar ro bomba.
Ro pusit hay nadakpan sigon sa kaeawran it Guangdong Province.
Matapos madakpan, insigidang gindaea sa tindahan it Jiaoling ag ginbaligya sa mga tindero it isda.
Si Mr. Huang ro nakapakyaw it pusit.
Ko una hay nangawa si Huang sa itsura it pusit bangud nga medyu mabahoe ro anang tiyan.
Kat ginsiad ni Huang ro pusit, nakita nana ro bomba.
Indi imaw makapati .
Paalin nga nakaangkon it bomba sa pusit?
Teorya it mga awtoridad, nakaon it pusit ro bomba.
Posibleng ginbagsak it military airplane ro bomba ag na-siyut man sa ginapugaran it mga pusit.
Posible man sigon nga gin-anud sa baybay ro bomba ag idtu raya nakita ag ginkaon it pusit.
Ro mga pusit hay nakaka-abot sa mga baybay bangud sa pag usoy it pagkaon.
Nasae-an nana nga pagkaon ro bomba ag gintueon insigida .
