KALIBO, Aklan — Naging madinaeag-on ro gin patigayung sorpresang bombing simulation exercise bilang kaparte it security preparations para sa Kalibo Sto. Nino Ati-Atihan Festival kaina it agahon.
Suno kay SPO1 Nida Gregas, tagapaghambae it Aklan Police Provincial Office (APPO) nga owa it nasayuran ro mga pulis sa gin himong scenario nga may nakitang sangka improvised explosive device ukon bomba sa matawong Kalibo Pastrana Park, ro pinakasentro it festival zone.
Insigida nga nakaresponde ro mga pulis nga sakay it patrol cars kasunod it mga ambulansiya, ordnance and explosives experts, K9 units, tropa it Armed Forces of the Philippines, mga bumbero ag SWAT team.
Kapin sa 1,495 ro security personnel nga nakakalhit makaron para sa festival.
Nauna kara, gin klaro ni Police Regional Office (PRO)-6 director C/Supt. Cesar Hawthorne Binag nga owa sanda it nabaton nga anumang paeag sa Ati-Atihan Festival nga maga umpisa hin-aga nga adlaw it Sabado hasta sa adlaw it Domingo ro highlight it selebrasyon.
