Uman nga naangkon it Bombo Radyo Philippines ro titueo bilang Most Trusted Radio Network in the Country.
Base sa ginpaguwa nga 2024 Pahayag First Quarter survey it Publicus Asia Inc., sa mga nagapangunang media outfit, Bombo Radyo ro una sa mga radio networks nga may nationwide scope.
Sueod man sa survey ro maeagkuang TV networks ag broadsheet nga may national circulation.
Nauna eon nga naangkon it Bombo Radyo ro nasambit nga pagkilaea ko mga nakataliwan nga dag-on.
Nasayuran nga ginpatigayon ro survey sa unang parte it dag-on kon sa siin ginkutana ro mga adult individuals sa nagkaeain-eain nga bahin it aton nga nasyon.
Mag-eowas kara, maabo pang pagkilaea ro nabuoe it network sa mga nakataliwan nga dag-on, mag-eowas pa sa mga tumaeagsahon nga pagkilaea sa mga personalidad nga kaparte it Bombo Radyo Philippines.
