Nabaton eon it Bombo Radyo Philippines ro pagkilaea sa kadaeag-an it network sa 46th Catholic Mass Media Awards (CMMA) matapos makuhit ro mga nagapangunang pasidungog ag nominasyon sa nagkaeain-eain nga kategorya.
Ro flagship program nga Bombo Network News ro nag-uli it prestihiyosong Best News Program award
Samtang ro Afternoon Starsweep it Star FM Bacolod hay ginkilaea bilang Best Entertainment Program
Nagbaton it special citations ro ap-at nga programa it Bombo Radyo:
Best Business Program: Bombo Special Report (Bombo Radyo Philippines)
Best News Commentary: Bombo Special Report (Bombo Radyo Philippines)
Best News Feature: Bombohanay Bigtime (Bombo Radyo Koronadal) at Good Morning Philippines (Bombo Radyo Laoag)
Ro mabaskog nga presensya it Bombo Radyo sa Catholic Mass Media Awards makaron nga dag-on hay nagpakita it mataas nga kalidad it mga programa sa nagkaeain-eain nga istasyon nito.
Ro Catholic Mass Media Awards (CMMA) hay kilaea sa pagkilaea sa mga midyang nagataguyod sa pagtao it importansya sa mga Kristiyanong.
Uman nga ginpamatud-an it Bombo Radyo Philippines ro dedikasyon kara sa pagtao it mapinuslanon, masaligan ag importanteng programa nga nagatagos sa tagipusuon it mga tagpamaeati.
Madumduman nga mag-eowas kara, nakasueod bilang finalist ro Bombo Radyo sa waeong kategorya nga uman nga nagpakita it kamayad ag kalidad it mga programa nga nagasabat sa interes it mga Pilipino sa bilog nga nasyon.
Raya hay ginakaeakipan it;
Best Counseling Program: Kahapon Lamang (Bombo Radyo Dagupan)
Best Drama Program: Recuerdos Dela Vida (Bombo Radyo Vigan) at The Messiah (Star FM Cebu)
Best Educational Program: Bombo Special Report (Bombo Radyo Philippines) at The Visita Iglesia (Bombo Radyo Legazpi)
Best News Commentary: Bombohanay Bigtime (Bombo Radyo Baguio)
Best News Program: Bombo News and Views Morning Edition (Bombo Radyo Cebu)
