KALIBO, Aklan—Ginaenjoy eon it mga local ag foreign tourist ro free wireless internet access sa isla it Boracay partikular sa front beach.
Sa interview it Bombo Radyo kay Inter-agency Task Force Deputy Ground Commander Al Rulfo, ginpahayag kara nga ro free-wifi hay para sa tanan nga ginbutang it Department of Information and Communications Technology (DICT) bilang kaparte it nagapadayon nga rehabilitation effort sa sikat nga isla.
Ginpahayag dugang nga pag-abot pa eamang sa cagban port hay masagap eon ro madasig nga internet connection nga eubusang nakabulig sa mga turista ag residente kon siin, pwede eon ro mga raya maka-post insigida it mga litrato nga bueo sa andang getaway vacation.
Pwede eon sigon nga ma-enjoy ro world class nga digital experience.
Samtang, ginbutangan eon man it solar lights nga may sensor ro kahabaon it baybayon halin sa station 1 hasta it station 3 nga unang ginreklamo it mga turista bangud sa madueom ro nasambitang lugar.
