KALIBO, Aklan—Haeos patapos eon ro Boracay circumferential road project it Department of Public Works and Highways (DPWH) sa isla it Boracay.
Raya ro ginkumpirma ni District Engineer Alejandro Ventilacion it DPWH-Aklan.
Sa kamatuoran suno kana hay nagpangayo it bulig sa andang taeatapan ro sangka contractor it proyekto agud nga hilway nga makasueod sa isla ro andang mga trabahador ag makapatigayon it mga taeapuson sa proyekto nga nadelay bangud sa covid 19 pandemic.
Madumduman nga nauna eon nga ginpahayag it DPWH nga sa oras nga makompleto ro Circumferential Road sa isla hay mabawasan kara ro oras it pagbiyahe halin sa Cagban Port sa Barangay Manoc Manoc paagto sa Ilig-Iligan Beach sa Barangay Yapak it 40 hasta 45 minutos halin sa dating sang oras ag 30 minutos.
Suno kay Engr. Ventilacion nga sa oras nga eubusan nga matapos ro mga proyekto sa isla eabi eon ro pag ayos ag pagpaeapad sa mga daeanon hay mas pa raya nga maka engganyo it maabu nga mga turista ag mga bisita.
