-- ADVERTISEMENT --
KALIBO, Aklan — Kampeon ro Boracay Dragons sa Mixed Divisions it WFDF 2019 Asian-Oceanic Beach Ultimate Champions sa Shirahama, Japan ko Hunyo 13 hasta 16.
Nagpanguna ro Frisbee Team it Pilipinas sa nasambit nga division nga ginpasakupan it haeos 80 teams halin sa nagkaeain-eain nga nasyon sa Asya ag Oceania.
Ro Boracay Dragons nga ginakabig nga Beach Kings of Asia hay may una nga kapin sa 60 nga miyembro ag kaabuan sa mga raya hay nagatrabaho sa nagkaeain-eain nga resorts sa isla it Boracay.
Tuyo it AOBUC nga makilaea sa Beach Ultimate Continental kapareho sa European event.
