KALIBO, Aklan — Kasunod it pagdeklara ni Environment Secretary Roy Cimatu nga bukon it cesspool ro isla it Boracay, sa pag-countdown halin sa 10 hasta it 1, gin-engganyo kara ro mga bisita ag turista nga magtampisaw sa baybayon bangud eowas eon raya nga mapaligsan.
Raya hay kaparte sa sangka programa para sa pag-umpisa it 11 days dry run para sa October 26 nga soft opening.
Bisan sigon ro Bolabog area nga naging kontrobersiyal kato bangud sa maeaglong tubo nga direktang nagapilak it higko sa eawod hay ginpasiguro kara nga malimpyo eon man.
Sa nasambitang lugar masaming ginahimo ro mga diving ag water sports activities.
Nasayuran nga ginpasarado ni Pangueong Rodrigo Duterte ro sikat nga tourist destination bangud sigon sa pagiging cesspool kara.
Raya ro rason kon ham-an it ginpasarado ro isla sa sueod it an-om nga buean agud taw-an it daean ro rehabilitasyon sa sewerage system ag pagguba sa mga iligal nga istraktura.
Dugang pa ni Cimatu nga sa tyempo it dry run hay magapadayon ro andang monitoring sa kalidad it tubi sa isla kamana man ro mga basura ag transportasyon, kon siin, mga electronic tricycles ukon e-trikes eon lang ro pagapasugtang makabiyahe.
