KALIBO, Aklan— Sa pihak it nagapadayon nga rehabilitation sa isla it Boracay, nakasueod gihapon sa pang-siyam nga puwesto ro White Beach bilang Asia’s best beaches sa bilog nga kalibutan.
Base sa TripAdvisor’s 2019 Travellers Choice Awards, ro nasambitang isla eamang sa nasyon ro ginkilaea sa top 10 beach destinations sa Asia.
Gindescribe it popular travel website ro 4-kilometer main beach bilang “calm, warm waters, gently sloping sand, very relaxing ag most beautiful beach sa Asia.”
Nasayuran nga ro sikat nga isla hay nakabueo it pangaywang puwesto ko 2018.
Samtang, pila sa mga nagapanguna sa listahan it TripAdvisor’s tourist spot hay ro Radhanagar Beach sa Havelock Island, Andaman ag Nicobar Islands, India; Kelingking Beach it Nusa Penida, Bali; Nai Harn Beach it Thailand; ag Agonda Beach sa India.
Ro pagkilatis it TripAdvisor’s sa mga sikat nga isla hay nakabase sa quality and quantity of reviews ag rankings para sa beach destinations, restaurants, hotels, attractions, ag ro traveler booking interest.
