KALIBO, Aklan — Gina abangan eon makaron nga dominggo ro pag anunsiyo ni Pangueong Rodrigo Duterte sa pagpaidaeum sa Boracay sa state of calamity kamana man ro pagpagowa it executive order sa pagpasara sa isla sa mga turista umpisa sa Abril 26.
Raya ro gin anunsyo ni Department of Interior and Local Government (DILG) Assistant Secretary Epimaco Densing III.
Kinahangean sigon nga ideklara ro state of calamity sa Boracay agud makapagowa it pondo nga pagagamiton sa rehabilitasyon it isla.
Ku Pebrero kat bansagan it pangueo na cesspool ro isla dahilan nga gin rekomendar ro pagpasara kara.
Gin pasiguro pa ni Asec. Densing nga engkasong matapos insigida ro paglimopiyo ag rehabilitasyon hay uman nga paga buksan ro isla bilang tourist destination sa sueod it tatlo hasta it ap-at nga buean.
