KALIBO, Aklan — Indi igapasarado ro isla it Boracay sa tiempo it Habagat.
Raya ro ginklaru it Department of Tourism (DoT) sa tunga it mga nagatuhaw nga balita nga makaangkon it routine maintenance sa buean it Hunyo.
Aminado si Tourism Secretary Bernadette Romulo-Puyat nga naistoryahan kato ro posibleng pagpasarado sa isla kada habagat ukon off-season, apang owa eon sigon raya uman nga natalakay.
Mag-eowas kara, malimpyo ag eowas eon sigon nga paligsan ro tubi sa palibot it Boracay.
Nasayuran nga pilang mga tour operators man ro nakakabaton it pangutana halin sa andang mga kliyente kun pwede pang makapagbakasyon sa isla sa Hunyo.
Sa makaron hay nagapadayun ro rehabilitasyon sa Boracay nga ginaeakipan it pagpaeapad ag pag-ayos it karsada, pagpatuman it 30-meter easement sa white beach, pagbuhi sa mga wetlands ag construction it iba pang mga imprastraktura.
Ko 2018 hay ginpasarado ro isla sa sueod it an-um nga buean agud nga taw-an it daean ro paglimpyo ag rehabilitasyon.
