KALIBO, Aklan—Mabuhay eon nga haum ro mga hotels ag resorts sa isla it Boracay sa pagbaton it mga International tourists.
Suno kay Provincial Administrator Atty. Selwyn Ibarreta, preparado eon ro gobyerno probinsyal ag mga establisyemento sa isla nga mag-akomodar it mga dumueoong turista.
Maskin suno kana nga owa pa ginapasugtan ro mga domestic tourist sa Boracay hay gina-istoryahan eon raya.
Nagaeaum man imaw nga mataw-an eon raya it katumanan it national government sa mas madali nga tyempo.
Nagapati man imaw nga mabahoe ro maibulig kara sa uman nga pagbangon it tourism industry ag pagbuhi sa ekonomiya it nasyon.
Nasayuran nga nadugangan pa ro mga dumueoo nga ginapasugtan nga makasueod sa Pilipinas halin February 16 basta may buyot ro mga raya nga valid visa.
Raya hay matapos nga magdesisyon ro Inter-Agency Task Force nga haeugaan eon ro ginapatuman nga travel restrictions sa mga dumueoo nga gintaw-an it visa ko March 20, 2020 ag nagapabilin nga balido.
