KALIBO, Aklan — Haum eon ro mga establisimento komersiyal sa isla it Boracay sa pagpasakop sa Earth Hour 2018 umpisa alas-8:30 hasta it alas-9:30 hindunang gabie.
Suno kay Boracay Foundation Incorporated (BFI) President Nenette Graf nga normal eon nanda rayang gina hiwat kada dag-un ag nakasanayan eon nga himuon it mismong taga-isla.
Owa sigon it special activity mag-eowas sa dueonghan nga pagpatay it iwag bilang pagsuporta sa nasambitang worldwide event.
Importante sigon ro Earth Hour sa isla agud mas pang mapabaskog ro environmental awareness nga “timing” sa gina pangatubang karang problema sa makaron.
Tinotuyo it Earth Hour nga makabulig sa pagtipid it kuryente, pag amlig sa palibot paagto sa preserbasyon it enerhiya sa kalibotan kamana man ro pagsukoe sa climate change.
