KALIBO, Aklan—Kapin sa 1,481 eamang nga turista ro nagbisita sa isla it Boracay ko buean it Abril, pinakamanaba nga numero it tourist arrival umpisa nga ginbuksan ro isla ko Hunyo it nagtaliwan nga dag-on.
Suno kay Felix delos Santos, Malay Tourism Officer, amat-amat eon kunta nga nakabawi ro tourist arrival ko Marso 2021 nga umabot sa masobra sa 17,000 visitors nga kaabuan hay naghalin sa National Capital Region.
Masyadong maeayo sigon ro nasambit nga numero antes nga tumama ro pandemya ko Marso it nagtaliwan nga dag-on.
Suno kana nga mabahoe ro naging epekto sa tourist arrival it ginpatuman nga travel restrictions sa mga taga NCR plus area.
Base pa sa record, umpisa Mayo 1 hasta 7, nag abot eamang sa 328 ro mga turista sa isla nga kaabuan hay naghalin sa Iloilo City ag Aklan.
Pila sa mga turistang nagbisita hay halin sa Mindanao via Manila.
Bukas sigon ro boracay sa mga turistang halin sa GCQ ag MGCQ areas basta nga maka comply it mga ginapangayo nga requirements.
Samtang, pila sigon sa mga hotels and resorts nga naisyuhan it certificate of authority to operate it department of tourism hay nagapabilin nga sarado bangud sa kawad-an it mga bisita.
Bangud nga sambilog ro boaracay sa ginatarget nga pilot para sa pagbukas it international travel bubble, nagaeaumn si Delos Santos nga mas pang mapadasig ro pagbakuna kontra Covid-19 sa bilog nga nasyon eabi eon sa mga tourism workers.
Sa oras sigon nga maabot ro herd immunity sa boracay, mas pang magataas ro kumpiyansa it international tourists nga eowas nga magbakasyon sa isla.
