-- ADVERTISEMENT --
KALIBO, Aklan—Nagapabilin nga maeanghay ro numero it mga turistang nagasueod sa isla it Boracay matapos nga makalista eamang it kapin sa 795 nga mga bakasyunista hasta Mayo 16, 2021.
Sa datus it Malay Tourism Office, kaeabanan sa mga domestic tourist hay halin sa Western Visayas nga nakalista it 720, CALABARZON nga 38, Central Visayas nga 26, Cordillera Administrative Region (CAR) nga ap-at, tatlo sa Central Luzon ag daywa Bicol Region kamana man ro iba hay taga-Eastern Visayas ag National Capital Region (NCR).
Nagaeaum man ro taeatapan nga amat-amat nga magataas ro tourist arrival sa Boracay eabi eon kung makaangkon it paghaeuga sa Metro Manila ag iba pang mga lugar sa nasyon.
