-- ADVERTISEMENT --
KALIBO, Aklan—Nagakabaeaka sigon si Aklan Governor Florencio Miraflores sa magiging epekto sa isla it Boracay it napabalitang Delta variant it coronavirus disease (COVID-19) nga natumos sa sangka mag-asawa sa Pandan, Antique.
Suno kay Antique Governor Rhodora Cadiao, raya ro ginhambae kana ni Miraflores matapos ro andang pag-istorya.
Posible sigon nga magtuga raya it negatibong impact sa mga turistang nagaplano nga magbakasyon sa Western Visayas eabi eon sa Boracay.
Sa makaron hay padayun ro pagbuhos it mga turista sa isla nga kaabuan hay naghalin sa National Capital Region.
Nailista it Boracay ro pinakamataas kara nga tourist arrivals makaron nga tiempo it pandemya ko buean it Hunyo nga nag-abot sa 26,354.
-- ADVERTISEMENT --
