KALIBO, Aklan — Magiging hugot ro pagbantay nga pagahimuon it Department of Environment and Natural Resources (DENR) sa mga violators sa isla it Boracay sa soft opening kara sa Oktubre 26.
Suno kay DENR Undersecretary Benny Antiporda nga kapin sa 30 ka mga environmental law enforcer ro nakataeana nandang iga-deploy sa isla agud magbantay ag magpanakop it mga naga-eabag.
Kasunod raya it ginpaguwang ‘do’s and don’ts’ it ahensiya sa soft opening.
Sa idaeom it guidelines it inter-agency task force, nakapresentar ro mga dapat ag inde dapat himuon it mga turista samtang una sa Boracay.
Magiging katuwang it environmental law enforcer ro pilang mga force multipliers ag mga kapulisan agud masiguro nga uwa it maga-eabag sa guidelines sa ginatawag nga “new” Boracay.
