KALIBO, Aklan — Gin kumbinyu it mga stakeholders ro mga taga isla it Boracay nga dueonghan nga magpatay it iwag sa adlaw it Sabado, Marso 17 agud maipakita ro ichura it isla sa oras nga raya hay mapasara.
Maga umpisa ro pagpatay it iwag bandang alas-8:08 it gabie nga maga buhay it waeong minutos para sa pagbuylog.
Kasunod kara ro pagtililipon it mga indibidwal sa binit it baybayon bitbit ro mga sueo agud mas pang mapabaskog ro sigidas ag tingob nga pag hueag agud pamaeabagan ro gina proponer nga 60 diyas nga tourist holiday.
Sa gin pagowa nga official statement it lokal nga gobyerno it Malay, maipakita sigon sa nasambitan nga event ro pagbuylog ag promisa it mga pumueoyo, opisyal, mga lokal ag foreign workers kamana man it mga turista nga paga himuon ro tanan nga masarangan agud ma-amligan ro Boracay.
