KALIBO, Aklan–Ginkalipay ag welcome sa Malay Municipal Tourism Office ro uman nga pagka-eakip sa isla it boracay bilang sambilog sa world’s best islands it sangka travel publication.
Nagpang-lima ro Boracay bilang best island sa asya it Readers’ Choice Awards in 2023, sambilog sa mga sikat ag ginasaligan nga luxury and lifestyle travel magazine’s website nga nakabase sa US.
Kaibahan sa listahan hay ro Bali, Indonesia; Phuket, Thailand; Koh Samui, Thailand ag Maldives.
Nasayuran nga naga-isaeahanon ro Boracay halin sa Pilipinas nga nakasueod.
Suno kay Felix Delos Santos it Malay Municipal Tourism Office nga mabahoe ro andang pagpasaeamat sa mga nabaton nga international awards para sa Pilipinas nga ginbase sa opinyon ag experience it travelers halin sa bilog nga kalibutan .// sa makaron suno kana hay padayun ro pagdagsa it mga turista sa Boracay.
Ro isla hay kilaea sa maputi ag pino nga baeas kamana man matin-aw nga tubi.
Kumpiyansa man si Delos Santos nga makabulig ro nasambit nga panibag-ong award agud nga maka-engganyo it dugang nga mga international tourists sa isla.
