Napilitang isarado it South Africa ro border nanda it Mozambique bangud sa magulo nga hub-eag protesta.
Halin sigon ko nagtaliwan nga buean hay nag-eontad ro hub-eag protesta matapos nga magdaog ro Frelimo party.
Suno sa South African border agency nga nagakadapat eamang ro andang ginhimo bangud sa nagalala nga kinagamo.
Gumamit eon ro mga kapulisan it South Africa it rubber bullets ag stun grenades sa mga Mozambicans nga naghana nga magsueod sa Lebombo border.
Ro Lebombo sigon hay sambilog sa ap-at nga pinakamasako nga land ports sa southern Africa nga may kaeayuon nga 110 kilometro halin sa Maputo.
Ginlaygayan nanda ro mga nagabyahe nga mag-usoy eon lang it ibang mga alternatibong daean.
Halin kat magdaog si Daniel Chapo ro kandidato it Frelimo Party hay nag-eontad ro kinagamo bangud nga inde mabaton it mga supporters it opposition leader nga si Venancio Mondlanena ro resulta.
Umabot eon sa 18 katawo ro namatay matapos makasagupa it mga otoridad ro mga protesters.
