-- ADVERTISEMENT --
Nataeopangdan nga kaeakip ro Boston Celtics sa mga teams nga naga-ambisyon sigon nga maboue ro serbisyo it NBA superstar nga si Kevin Durant maghalin sa Brooklyn Nets.
Kapin sa sang buean eon makaron nga owa sa gihapon it nakakasikyar kay Durant sa pihak it hinyu karang maghalin sa ibang team.
Sa pihak nga parte, duda ro pilang sports analyst nga insigidas nga maboue it Boston si Durant bangud kinahangean man sa gihapon ro mabaskog nga player nga igabaylo kapareho eon lang kung sarang baea nga pagabuhian it Celtics ro andang All-Star forward nga si Jaylen Brown.
Una eon kara ro mga naging pahayag man nga kaeakip sa iba pang team nga naga-aeagawan nga makaboue kay Durant hay ro Miami Heat, Phoenix Suns, ag Toronto Raptors.
