Plantsado eon ro bakbakan it NBA Finals umpisa sa Biyernes matapos nga idispatsa it Boston Celtics ro Miami Heat sa score nga 100-96 sa Game 7.
Pangatubangon it Boston ro nagahueat nga Golden State Warriors kung siin kampeon man ku nagtaliwan nga Eastern Conference finals tag magapanguna sa serye, 4-3.
Umpisa sa first quarter asta sa matapos ro 4th quarter hay owa nagbuhi it abanse ro Boston.
Ginhana pang eagson it Miami sa ulihing 11 segundo apang owa eon ginkaya pa ag kueang eon sa oras.
Nagpanguna sa opensa it Celtics si Jason Tatum nga may kabilugang 26 points.
Maeagko man nga bulig ro ginhimu nanday Marcus Smart ag Jalen Brown nga parehong may tig-24 puntos.
Mataeopangdan nga ro 24-anyos nga swingman nga si Tatum ro nagdaog man sa unang Larry Bird award bilang MVP sa Eastern Conference.
Samtang, raya ro kauna-unahang kahigayunan nga magahampang sa NBA Finals ro Boston makataliwan to 12 dag-on.
