BALITANG ESPESYAL – Sangka bote it aeak nga cognac ro nakalista it world record bangud naghalin pa raya sa tyempo nanday King Louis XIV it France and King William III it England!
Ginkumpirma it records keeping organization nga Guinness World Records nga ro bote it 1696 Jules Robin Cognac ro pinakabag-ong may buyot it titueong “World’s Oldest Cognac”.
Raya hay bangud nga ginhimo pa raya ku 1696 ag may edad eun raya nga 328 years old.
Ro aeak ngara hay ginapanag-iyahan it kolektor nga si Lars Janssen nga taga-Netherlands.
Ro Cognac ay hay sangka klase it brandy nga himo sa ubas.
Partikular raya nga naghalin sa rehiyon it Cognac sa France, ngani gintawag raya nga Cognac.
May strikto nga mga regulasyon nga ginasunod sa paghimo it Cognac, kaibahan ro paggamit it partikular nga klase it ubas, ro distillation process nga dapat himuon daywang beses sa copper pot stills, ag ro paggueang kara sa oak barrels nga indi magnaba sa daywang dag-on.
