KALIBO, Aklan—Syento dyes porsyento ro kumpiyansa it sangka boxer analyst nga pagapyerdihon ni eight division world champion Manny Pacquiao ro reigning WBA welterweight champion nga si Yordenis Ugas.
Suno kay Boxer analyst Denver Cuello nga nagapabilin ro bagsik it fighting senator sa ibabaw it ring sa pihak it edad kara.
Nagapati man raya nga mas mayad nga tapuson it temprano ni Pacquaio ro hampang.
Ro 35-anyos nga si Ugas suno kana hay ro klase it boksingero nga bukon it komplikado ro istilo.
Matueopangdan nga ro Cuban boxer ro nagbaylo kay Errol Spense Jr. nga nakataeana kunta nga makasambuwa ni Pacman apang nakaangkon raya it eye injury.
Sa makaron, gigil ro Pinoy ring icon nga mabawi ro korona nga dapat kunta hay para kana matapos nga owa kara madepensahan ro WBA super champion it masobra sang dag-on.
Ro Pacquiao vs Ugas fight hay pagahiwaton sa adlaw it Dominggo, Agosto 22 sa T-Mobile Arena sa Las Vegas, Nevada.
