Ginmandu it Brazil ro pag-aresto sa top officials matapos eusubon it mga protester ro mga edipisyo it gobyerno sa Brasilia, ro federal capital it Brazil.
Sangka opisyal nga dating commander it military police ro naireport nga naaresto apang gilayon man karang ginpamalibaran.
Kaibahan pa sa mga opisyal nga gin-aresto hay ro dating public security chief it Brasilia nga si Anderson Torres ag iba pa nga responsable sa “acts and ommissions” nga nagresulta sa riots.
Na-dismiss man sa serbisyo si Col. Fabio Augusto , ro police commander matapos eusubon it mga taga-suporta ni dating Barzilian President Jair Bolsonaro ro Congress, presidential palace ag Supreme Court.
Nag-eontad ro riot sa nasyon sang dominggo matapos nga opisyal nga magpanumpa ro bag-ong Pangueo nga si Luiz Inacio Lula da Silva nga mas kilaea sa tawag nga Lula.
Samtang, gaabot eon man sa 1,500 katawo ro naaresto ag gindaea sa mga prisinto.