Nailista sa Brazil ro kauna-unahang pagkamatay bangud sa Mpox makaron nga 2026, samtang eampas eon sa 1,000 ro kumpirmadong kaso it nasambit nga sakit sa nasyon, base sa report it Fiocruz Institute.
Base sa impormasyon, namatay ro pasyente sa Rio de Janeiro, kun sa siin nagdoble ro numero it mga positibong kaso umpisa Setyembre hasta Nobyembre kumpara sa mga nailistang kaso ko nagtaliwan nga mga naunang buean it dag-on.
Sa pihak it pagtaas it mga kaso, owa pa ginakabig it mga awtoridad nga outbreak ro sitwasyon bangud nga mas manaba sa gihapon ro presenteng numero kumpara sa pinakamataas nga nailistang kaso ko 2022.
Angot kara, ginpabaskog it gobyerno it Brazil ro pagbantay kontra sa sakit ag nagbakae it dugang nga 25,000 doses it bakuna kontra Mpox agud nga makabulig nga mapugngan ro pagkalhit kara.
Ro Mpox hay sangka viral disease nga pwedeng magtuga it eagnat, pagpanakit it eawas ag mabahoe nga pantal ukon nina sa panit.
Pwede raya nga maipasa halin sa sapat paagto sa tawo ag pinaagi man sa maeapitang pakikisalamuha sa tawong may impeksiyon.












