Owa it sin-o man nga nakaeowas sa pagkabagbag it S-70i Black Hawk utility helicopter samtang nagapatigayon it night flight training Miyerkules it gabi-I maeapit sa Capas. Tarlac.
Raya ro ginkumpirma it Philippine Air Force.
Owa pa gintumod ro pagkatawo it mga aircrew members matapos nga unang gin-impormahan ro andang mga pamilya.
Nagpamalibad pa nga magtau it dugang nga detalye ro PAF kon ro Polish-made aircraft hay nag-crashed ukon nagapabilin nga missing, apang ginasugid nga nagapadayun pa ro search and retrieval operations.
Ro helicopter hay nauna eon nga napabalita nga owa pa nakabalik sa andang station sa gintaeana nga oras sa Clark Air Base, Pampanga rason nga ginpatigayon ro pag-usoy kara.
Samtang, ro tanan nga iba pang bag-ong bakae nga Black Hawk helicopters hay indi anay pagapasugtan nga makaeupad samtang ginapatigayon ro imbestigasyon sa gintunaan it insidente.
Madumduman nga ro gobyerno hay nakipagkasugot sa Polish company ko March 2019 agud nga magbakae it helicopters. Masobra sa ₱12.1 billion pesos ro gingastos sa pagbakae it 16 nga Sikorsky S-70i Black Hawk helicopters.
