Nagpungko eon bilang bag-ong sangguniang bayan member it Kalibo si Ronald Marte kon siin ro anang nabakante nga pwesto bilang presidente it liga ng mga barangay hay ginbuslan ni Brgy. Captain Nelson Repiedad it Linabuan Note pinaagi sa succession.
Samtang, nagpungko man bilang kapitan it Brgy. Pook ro first kagawad ag ro nabakante kara nga pwesto hay ginbuslan ni Richard Marte, dating kagawad ag presenteng lupon member.
Ginpahayag ni Marte nga ginsalig kana it konseho ro pagiging chairman sa committee on tourism bangud nga nakit-an nanda ro anang hilig sa turismo.
Ginpaathag nga maabo ro anang eksperyensya pag-abot sa sektor it turismo rason nga makabulig imaw it husto sa pagpaumwad ag pagpasanyog sa industriya it turismo sa banwa it Kalibo.
Madumduman nga antes imaw nga naging konsehal hay gin-umpisahan eon nga idevelop ro barangay Pook partikular ro baybayon sa anang pagdumaea kon siin ginadayo eon raya it mga nagapamasyar mas kapin pa kon hapon eon.
