-- ADVERTISEMENT --
Sambilog si Punong Barangay Ralf “Rannie” Tolosa it Caticlan, Malay nga nagpirma sa position letter it lokal nga gobyerno nga nagahinyo nga inde eon ieakip ro anang lugar sa West Aklan Special Economic Zone Authority ukon WASEZA nga ginaduso ni Aklan second district representative Teodorico Haresco.
Ginpaathag kara nga inde eon kinahang-ean ro development sa nasambit nga barangay bangud nga develop eon raya it husto.
May seaport, airport ag mga daeagkuang establisyimento ro barangay rason nga inde eon kinahang-ean ro ibang development nga maitanyag sa WASEZA.
Bukon man suno kay Tolosa it mabahoe masyado ro andang lugar rason nga tama eamang nga inde eon raya ieakip sa ginaduso nga hagna it kongresista.
