KALIBO, Aklan—Nag-apela sa mga pumueuyu ag mga motorista ro mga opisyal it barangay nga habaan pa ro pasensiya ag pag-intindi angot sa ginareklamong karsadahon sa barangay bacan, banga nga makabig nga takaw-disgrasya eabi eon sa mga nagabiyahe it gabi-i.
Ginpahayag ni Punong Barangay Allen robelo it nasambit nga lugar nga temporaryo eamang ro nasambit nga sitwasyon ag makaangkon pa it sangkiri nga pagtiis bangud nga madali eon lang nga matapos ro proyekto.
Bangud nga under construction ro pihak nga linya, bukon pa it passable ukon indi pa maagihan.
Apang ro daean nga pwedeng agyan hay malisod bangud nga lubak-lubak.
Ginatambakan man sigon raya it baeas apang nagaka-wash-out kon makaangkon it bunok nga pag-uean.
Nadelay man suno kana ro proyekto bangud sa pag-inuean ag ulihi eon nag-abot ro budget.
Nag-daeum suno kana ro mga buho sa karsada matapos nga bukon eamang it mga mini-bus ro naga-agi kundi pati eon ro mga mabahoe nga truck nga nagahakot it baeas halin sa quarrying site sa aklan river.
Gindugang pa ni kapitan robelo nga dapat man nga pasaeamatan ro proyekto nga ginadumaeahan it provincial engineering office ukon PEO bangud nga makataliwan ro haeos 35 anyos hay makaron pa eamang eubusan nga mapasemento ro daean.
Sa anang pag-inspection may nagakaigo man sigon nga warning device ro contruction site.
