KALIBO, Aklan—Mas pang ginpabaskog it barangay council it Poblacion, Kalibo ro andang mga tikang sa pag-monitor sa mga naga-uli nga Locally Stranded Individuals ukon LSI ag Returning Overseas Filipino Workers ukon ROF.
Ginpasiguro ni Barangay Chairman Niel Candelario nga hugut nanda nga ginapatuman ro protocols, kun sa siin ro mga LSIs hay obligado sa gihapon nga magpaidaeaum sa 14 diyas nga quarantine.
Kon mapasar sigon ro andang baeay sa standard nga gintaeana it inter-agency task force hay ginapasugtan sanda nga mag home quarantine, apang kon indi hay pagadaehon sanda sa gintaeana nga isolation facility.
Sa makaron hay daywang kaso eon lang it covid 19 ro nailista it Poblacion, Kalibo nga naka-facility quarantine ag puro asymptomatic man.
Mag-eowas kara, ginbawi eon ro granular ag surgical lockdown nga ginpatuman sa haeos tanan nga mga lugar nga nakalista it kaso it covid 19 base sa gahum it executive order nga ginpaguwa ni Mayor Emerson Lachica nga may petsang Oktubre 4.
