KALIBO, Aklan—Uman nga ginpaidaeum sa lockdown ro barangay hall it Barangay Poblacion kalibo matapos nga magpositibo sa COVID-19 ro sangka opisyal kara.
Suno kay Kagawad Mark Sy nga umpisa ko adlaw it Lunes hay ginsuspinde anay ro andang operasyon agud nga mataw-an it daean ro disinfection ag contact tracing.
Asymptomatic sigon ro nasambit nga opisyal apang ginpaidaeum sa RT-PCR test matapos nga magpakita it sintomas it deadly virus ro anang kaibahan sa baeay ko nagtaliwan nga domingo.
Sa mayad nga swerte suno kana hay gintunga sa daywang grupo ro mga empleyado sa barangay nga naga-duty rason nga bukon it apektado ro tanan engkaso nga i-require ro mga nakasalamuha it pasyente sa swab test.
Sa kamatuoran suno kana nga sa adlaw it miyerkules hay magabalik eon sa normal ro andang operasyon.
Owa man suno kana it naging high risk ro opisyal sa andang opisina bangud nga umpisa nga mataeupangdan nga nakaangkon it sintomas it covid ro anang kaibahan sa baeay hay owa eon haeos raya nga nagguwa.
