-- ADVERTISEMENT --
Kalibo Aklan ———Uman nga nakalista it sambilog nga kaso it namatay nga pasyente bangud sa coronavirus disease 2019 (COVID-19) sa Barangay Poblacion Kalibo.
Suno kay Barangay Kapitan Niel Candelario it Brgy. Poblacion Kalibo nga ro nasambitan nga pasyente hay nauna eun nga naka-confined sa sangka pribadong ospital bangud sa anang ginabatyag nga masakit ag namatay.
Nagguwa man sa resulta it ginpatigayon nga RT-PCR test nga positibo raya sa makamaeatay nga sakit nga COVID-19.
Samtang, nagpositibo man ro daywang iba pa nga pamilya it pasyente.
Makarun nga adlaw hay nakataeana man nga igapaidaeum sa swab test ro iba pang nakasalamuha kara.
-- ADVERTISEMENT --
Sa makarun hay may una eun kabilugang 38 ka mga aktibong kaso it COVID-19 sa nasambit nga Barangay.
