KALIBO, Aklan—Naputos it kasubo ro bilog nga Barangay San Roque, Malinao, Aklan kasunod it pagbaril-patay sa dati nanda nga barangay kapitan ag nagserbisyo man bilang sangguniang bayan member it banwa.
Suno kay San Roque barangay captain Joel Legaspi ag igkampod it biktimang si John Rondario nga eubus sanda nga nakibot ag nasubuan sa natabu.
Kilaea sigon nga mabinuligon ag mabuot ro biktima bukon eamang sa anang pamilya kundi sa mga nagakinahangean it anang bulig.
Kat SB member pa sigon raya hay ginpun-an nana ro tanan nga kinahang-eanon nga proyekto it andang barangay kapareho it farm to market road, covered court ag iba pa rason nga maabu ro dapat nga pasaeamatan kana.
Samtang, ginatugyan eon sigon nanda sa kapulisan ro pag-imbestiga sa kaso agud nga mataw-an it hustisya ro pagpatay kana.
