KALIBO, Aklan—Ginpamilit it Department of Education ukon DepEd district of Malay nga ro ginapatigayon nga Brigada Eskwela makaron nga dag-on hay bukon it kapareho sa nagtaliwan nga mga dinag-on nga may competition nga ginapatigayon.
Suno kay DepEd district of Malay public information officer Bryan Ray Solano nga ro aktibidad hay owa eamang nagalimita sa pagpanglimpyo ag pag ayos it mga samad nga kagamitan kundi nga pwede man ro boluntaryo nga pagturo sa mga pamatan-on ukon iba pang mga aktibidad nga makabulig sa mga estudyante eabi pa ag nagapabilin nga bukas ro andang national learning camp bilang solusyon sa learning gap tuga it epekto it pandemya.
Ginaeuman suno kana nga ro mga ginikanan, stakeholders, estudyante ag iba pa nga mga public ag private agencies hay magapartisipar sa dag-unan nga brigade eskwela.
