KALIBO, Aklan — Dere-deretso sa gihapon ro pagpahaum it Kalibo Pilot Elementary School para sa pagbukas it klase sa School Year 2025–2026.
Raya hay kasunod it pag-arangkada it Brigada Eskwela, kun sa siin nag-bayanihan ro nagkaeain-eain nga stakeholders agud nga maging haum ro mga pasilidad it eskwelahan sa nagahilapit nga pagbalik sa eskwelahan it mga estudyante.
Suno kay Allan Relloto, principal it nasambit nga eskwelahan nga sigidas makaron ro pagbueuligan sa pagpatigayon it clean-up drive it mga ginikanan ag volunteers nga nagatuyo nga masigurong malimpyo ag maayos ro mga classrooms para sa mga inunga.
Ro bayanihan suno kana ro yabe agud nga maging madinaeag-on ro pag-umpisa it pagbukas it klase.
Bangud nga nagapanguna nga prayoridad makaron it Department of Education ro pagka-intigo it mga inunga nga magbasa ag maghuyap, ro tema makaron nga dag-on it Brigada Eskwela hay “Sama-sama Para sa Bayang Bumabasa”.
