Gin-anunsyo it British nonprofit nga naga-maintain it sambilog sa mga importanteng sites sa England nga naga-usoy sanda it kapin sa 1,897 nga katawo nga magasuksok it costume it bampira para sa selebrasyon it anibersaryo ni Dracula.
Nasayuran nga ro English Heritage hay nagadumaea it masobra sa 400 nga cultural sites sa nasyon.
Gusto sigon nanda nga makahimo it Guinness World Record para sa pinakamabahoe nga pagtililipon it tawo nga nakasuksok it costume nga bampira sa Mayo 26 sa Whitby Abbey, sangka 13th century Gothic abbey nga naging inspirasyon sa pag-obra it Bram Stoker’s classic vampire novel.
Ro presenteng record hay ginabuytan it Virginia ko 2011 nga may 1,039 nga katawo nga naka-costume it bampira.
Ginpahayag it organizers nga nagaeaum sanda nga makatipon it kabilugan nga 1,897 nga katawo sa pagdumdum sa 125th anniversary ni Dracula nga naunang gin publish ko 1897.
Gindugang pa it organizers nga masyado sigon nga instrikto ro Guinness World Records sa andang mga regulasyon sa paghuyap it makabig nga vampire costume rason nga kinahangean nga ro tanan nga mga participants hay magsuksok it itom nga saewae ukon palda , itom nga sapatos, waistcoats, itom nga kapa ukon may collar nga overcoats ag set it artificial nga bangkil agud nga mag-itsura gid ng bampira.
