Gin-imponeran it two-year ban si British boxer Amir Khan matapos nga magpositibo sa sangka ginabawaean nga substance.
Suno sa United Kingdom Anti-Doping agency nga nagpositibo ro 36-anyos nga boksingero it ostarine.
Nakit-an ro nasambit nga substance matapos ro hampang nana kay Kell Brooks ko Pebrero.
Bangud sa ban hay inde eon raya makahampang sa boxing it hasta sa Abril 2024.
Ro dating light-welterweight world champion hay nag-anunsiyo it anang retirement sa Mayo matapos ro pagdaog nana sa ika an-om nga round kontra sa kaparehong Briton kara nga si Brook.
Suno sa UKAD nga ro ostarine hay sangka klase it droga nga may parehas nga epekto kaparehas it testosterone.
Ginabawae raya it World Anti-Doping Agency nga sangka anabolic agent ag ginabawae nga gamiton sa tanan nga klase it sports.
