SPORTS News — Naghimo it history ro pag-draft it Los Angeles Lakers kay Bronny James nga unga it NBA star nga si Lebron James.
Sa No.55 pick sa second round it draft, ginpili it Los Angeles Lakers si James.
Bangud kara, sanday Bronny ag amang si LeBron hay ro pinakauna nga father-son player pair sa NBA.
Gin-draft si Bronny sa edad nga 19, kapin sa 21 anyos ro nagtaliwan kat napilian man si LeBron bilang No. 1 overall it Cleveland Cavaliers ko 2003.
Si Bronny hay halin sa Sierra Canyon School sa California ag nagpirma nga magahampang sa collegiate level sa USC Trojans.
Ko Hulyo 2023 hay naka-eksperyensiya imaw it cardiac arrest nga nagresulta sa congenital heart defect.
Matapos nga makarecover hay nagbalik imaw sa paghampang kun sa siin may anang 25 appearance sa 2023-24 season ag naga-average eamang it five points, tatlong rebounds ag daywang assists.
Madumduman nga ginpahayag kato ni Lebron nga hadum nana nga makaibahan sa koponan ro anang unga.
