POLICE Report — Ginkundina it Philippine Nurses Association (PNA) – Bohol Chapter ro brutal nga pagpatay ag pagbuno sa sangka nurse sa sueod it Tagbilaran City hospital.
Dugang pa nga nagapawagan man ro grupo it hustisya sa pagkamatay it 51-anyos nga nurse, ag sa proteksyon it mga healthcare worker.
Nagpaabot man it pakikisimpatiya ro PNA-Bohol Chapter sa pamilya it biktima ag naghambae nga kabay nga magserbing padumdum kunta ro anang kabuhi agud nga mas pang mataw-an it proteksyon ro mga healthcare professional nga haum nga magbuwis it kabuhi para sa pagserbisyo.
Madumduman nga ro biktima hay pilang beses nga ginbuno gamit ro gunting it sangka pasyenteng magaguwa eon kunta sa ospital.
Ro suspek hay nakilaeang si Marlito Linguis, 31, residente it Sevilla, Bohol, hay napabalita nga nakaangkon it argumento sa nasambit nga nurse antes ro pag-atake.
Ko ulihi hay nagsurender sa mga awtoridad si Linguis.
Nagpromisa man ro PNA-Bohol Chapter it suporta para mataw-an it hustisya ro namatay nga nurse ag nagpromisa man nga magasueong it mga reporma agud nga masiguro ro kaeowasan it iba pang healthcare workers sa mga ospital.
Sa nasambit nga insidente sangka utility worker man ro naninahan.
