Ginpuna ni Sen. Sherwin Gatchalian ro proposisyon nga ipaiway it uman ro 2026 Barangay ag Sangguniang Kabataan Elections (BSKE).
Gin-insister nana nga raya hay eabag sa Konstitusyon ag magatuga it kawad-an it kinamatarong it mga botante nga makailihir it gusto nandang opisyal.
Ginpahayag ni Gatchalian nga bukon it kueang ro pondo it gobyerno para sa mga programang ayuda rason nga inde dapat maapektuhan ro ibang function it gobyerno.
Suno kana, ro P9 bilyon nga nakataeana para sa BSKE hay maisot kumpara sa P230 bilyong pondo nga pwede pang gastuson para sa mga social aid programs.
Ro pahayag ni Gatchalian hay kasunod it suhestyon it pilang mamalidha nga i-realign ro budget it BSKE agud masolusyunan ro krisis sa enerhiya.
Samtang, gin-insister it Commission on Elections (Comelec) nga ginabawaean it Korte Suprema ro paggamit it election budget para sa ibang katuyuan.
Apang, kon paga-amyendahan ro laye angot kara hay uwa sanda it mahimo kundi magsunod sa pagpadayon ukon pagpaiway it barangay polls.
